Delegacioni i Kosovës takohet me presidentin e Asamblesë Parlamentare të KiE, Kuvendi lëshon komunikatë - Gazeta Express
string(102) "delegacioni-i-kosoves-takohet-me-presidentin-e-asamblese-parlamentare-te-kie-kuvendi-leshon-komunikate"

Lajme

Gazeta Express

24/06/2024 23:54

Delegacioni i Kosovës takohet me presidentin e Asamblesë Parlamentare të KiE, Kuvendi lëshon komunikatë

Lajme

Gazeta Express

24/06/2024 23:54

Delegacioni i Kosovës i udhëhequr nga nënkryetarja e Kuvendit të Kosovës, Saranda Bogujevci dhe në përbërje të anëtarëve, Arben Gashi, Enis Kervan, Ariana Musliu-Shoshi dhe Besnik Tahiri, takoi presidentin e Asamblesë Parlamentare të Këshillit të Evropës, Theodoros Rousopoulos.

Gjatë takimit, nënkryetarja Bogujevci falënderoi presidentin Theodoros Rousopoulos për lidershipin dhe angazhimin e tij shumë efektiv dhe për votën dhe mbështetjen e madhe që iu dha Kosovës në votimin në Asamblenë Parlamentare, ka njoftuar Kuvendi i Kosovës.

Lexo Edhe:

“Nënkryetarja Bogujevci theksoi se tanimë rrugëtimi i Kosovës drejt anëtarësimit është rrugë njëkahëshe dhe se ka mbetur vetëm edhe një hap për t’u përmbyllur një mision, që është fisnik e i drejtë për qytetarët e Kosovës, pa dallim. Tutje, ajo tha se bashkëpunimi i Republikës së Kosovës me këtë institucion do të vazhdojë të thellohet, në veçanti do të intensifikohet pas anëtarësimit që presim të ndodhë me një vendim të drejtë të Komitetit të Ministrave”, thuhet në njoftim.

Delegacioni gjatë këtij sesioni po ashtu do të zhvillojë takime edhe me personalitete dhe anëtarë të delegacioneve të tjera pjesëmarrëse, si dhe takime me krerët e Grupeve Politike.