Delegacion nga Parlamenti Europian në Shqipëri, takime me krerët e shtetit

Lajme

Gazeta Express

17/02/2026 13:26

Komiteti për Punët e Jashtme (AFET) i Parlamentit Europian do të vizitojë Shqipërinë më 17–18 shkurt. Delegacioni, i udhëhequr nga Kryetari i AFET-së, z. David McAllister (PPE, Gjermani), do të përbëhet nga nëntë anëtarë të Parlamentit Evropian, të cilët përfaqësojnë shtatë Shtete Anëtare të BE-së dhe gjashtë grupe politike.

Për të përmbyllur vizitën, Kryetari David McAllister do të mbajë një konferencë për shtyp të mërkurën, 18 shkurt, ora 13:15, në Shtëpinë e Europës.

McAllister do të takojë Kryeministrin, Ministren e Jashtme, Kryetarin e Parlamentit, Komisionin për Europën dhe Punët e Jashtme, deputetë të opozitës dhe përfaqësues të shoqërisë civile.