Dejona Mihali e zbuloi agjendën, ZKM e konfirmon udhëtimin e Kurtit në Londër

Lajme

Gazeta Express

09/04/2026 14:17

Koordinatorja e Komiteteve të Lëvizjes Vetëvendosje, Dejona Mihali ka njoftuar sot se kryeministri i Kosovës, Albin Kurti, do të udhëtojë për në Mbretërinë e Bashkuar. Pas Mihalit, për shkuarjen e Kurtit në Londër ka njoftuar edhe Zyra për Media e Kryeministrisë.

“Kryeministri i Republikës së Kosovës, Albin Kurti, ka udhëtuar sot për vizitë zyrtare në Mbretërinë e Bashkuar”, thuhet në njoftim.

ZKM ka njoftuar se Kurti pritet të ketë takime të nivelit të lartë dhe se do të marrë pjesë në Konferencën e Londrës për Mbrojtje.

 “Gjatë vizitës, kryeministri Kurti pritet të ketë takime të nivelit të lartë me zyrtarë britanikë dhe ndëkombëtarë, si dhe do të marrë pjesë në Konferencën e Londrës për Mbrojtje”, thekson njoftimi.