Degradimi i lirisë së medias, Kurti s’pranon faj, AGK ia kujton ligjin për KPM, ndikimin në RTK dhe gjuhën e urrejtjes ndaj gazetarëve

Lajme

Gazeta Express

10/05/2025 20:02

Asociacioni i Gazetarëve të Kosovës, i ka cilësuar ‘‘për keqardhje’’ deklaratat e Albin Kurtit, lidhur me raportin e Reporterëve pa Kufij, duke thënë se Kurti s’i ka adresuar gjetjet e raportit, po i ka fajësuar mediat dhe gazetarët për renditjen në vendin e 99.

Nga AGK është se deklarimi i Kurti ku ai ka ofruar “trajnime dhe kurse nga Qeveria për gazetarë dhe media”, është një përpjekje serioze e e papranueshme për ndikim qeveritar në punën e tyre, dhe tendencë për të vënë në pikëpyetje profesionalizimin e mediave kosovare.

”Kryeministri në detyrë Kurti nuk ka përmendur miratimin e ligjit anti-kushtetues për Komisionin e Pavarur të Medieve, ndikimin politik të partisë së tij në Transmetuesin Publik, RTK dhe as fushatën e vazhdueshme të përdorimit të gjuhës nxitëse dhe të urrejtjes ndaj gazetarëve dhe mediave, nga zyrtarë të partisë së tij”, thuhet mes tjerash në reagim.

Postimi:

AGK: Për keqardhje deklaratat e kryeministrit në detyrë Kurti rreth raportit të Reporterëve pa Kufij

Asociacioni i Gazetarëve të Kosovës shpeh zhgënjim të thellë me qasjen e kryeministrit në detyrë, Albin Kurti, një javë pas publikimit të raportit për Kosovën të “Reporterëve pa Kufij”.

Në një fjalim gjatë një tubimi të partisë së tij, Kurti ka dështuar të adresojë gjetjet e raportit, duke fajësuar mediat dhe gazetarët për renditjen në vendin 99.

Kurti ka ofruar “trajnime dhe kurse nga Qeveria për gazetarë dhe media”, që është një përpjekje serioze e e papranueshme për ndikim qeveritar në punën e tyre, dhe tendencë për të vënë në pikëpyetje profesionalizimin e mediave kosovare.

Kryeministri në detyrë Kurti nuk ka përmendur miratimin e ligjit anti-kushtetues për Komisionin e Pavarur të Medieve, ndikimin politik të partisë së tij në Transmetuesin Publik, RTK dhe as fushatën e vazhdueshme të përdorimit të gjuhës nxitëse dhe të urrejtjes ndaj gazetarëve dhe mediave, nga zyrtarë të partisë së tij.

AGK-ja e fton zotin Kurtin ose këdo që e formon Qeverinë e re të angazhohet në një dialog të hapur me të gjithë hisedarët, në mënyrë që të trajtohen me seriozitet gjetjet e Raportit dhe të punohet për përmirësimin e lirisë së mediave në Kosovë.