Dedaj: Vjosa Osmani është përçarëse, ka shkatërru LDK-në për interesa personale

Lajme

Gazeta Express

05/11/2025 14:16

Pas dekretimit që Presidentja e vendit, Vjosa Osmani, i bëri emrit të dytë të propozuar nga LVV-ja, Glauk Konjufcës, ka reaguar ish-ambasadori i Kosovës në RMV, Gjergj Dedaj.

Dedaj në një intervistë dhënë për “Gazeta Blic” tha se Vjosa Osmani është ‘notere dhe asistente’ e Albin Kurtit.

Ai tha se e njëjta ‘është përçarëse dhe se ka dëmtu dhe shkatërru LDK-në për interesa personale’.

“Zonja Osmani është një notere, asistente e Albin Kurtit, ajo nuk ka luajtur asnjëherë rolin e Presidentes. Ajo është përçarëse, ajo ka dëmtu dhe shkatërru LDK-në për interesa personale. Edhe tani është duke u ‘kacavjerr’ në qafë të Albin Kurtit dhe Lëvizjes Vetëvendosje vetëm që të mundet që gjatë pranverës së ardhshme kur i skadon afati, të rizgjedhet eventualisht edhe një mandat. Asaj nuk i intereson as çështja e Kosovës, as statuti i Kosovës, as imazhi i Kosovës dhe as proceset integruese të Kosovës. Asaj i intereson vetëm interesi personal” tha Dedaj