De Gea më në fund mund të bëhet me ekip të ri

Sport

Gazeta Express

05/08/2024 21:53

Portieri spanjoll, David De Gea, i cili që për më shumë se një vit është agjent i lirë, më në fund mund të bëhet me ekip të ri.

Prej disa javësh, klubi italian Fiorentina ka nisur bisedimet me David De Gean për ta bindur që të transferohet në Itali.

Së fundmi nga mediet italiane raportohet se klubi nga Firence e ka kontaktuar sërish 33-vjeçarin në mënyrë që t’i japë një përgjigje përfundimtare, përcjellë “Gazeta Express”.

De Gea ka dhënë “PO-në” e tij, megjithatë palët ende nuk kanë mbyllur çdo diskutim në lidhje me pagën, çështja e cila me shumë mundësi do të mbyllet në ditët në vijim.

Gjatë karrierës së tij, De Gea kishte qenë pjesë e Atletico Madridit dhe Manchester Unitedit, derisa për një periudhë kishte qenë edhe numri një i komëbtares spanjolle./GazetaExpress/