Dauti: Partnerët e Qeverisë po lënë shqiptarët pa përfaqësim duke u kundërshtuar në facebook

Maqedoni

Gazeta Express

22/02/2025 12:17

Deputetja e Frontit Europian, Ilire Dauti, ka bërë thirrje përmes një postimi në rrjetin social Facebook që partnerët e qeverisë të adresojnë mosmarrëveshjet e tyre në mbledhjet e qeverisë dhe jo në platformat sociale. Dauti theksoi se kundërshtimet publike në Facebook kanë sjellë pasoja për qytetarët, duke lënë shqiptarët pa përfaqësim të drejtë dhe pa meritokraci.

“Aty ku duhet të bëhet diskutimi, në mbledhjet e Qeverisë, është vendi i duhur për t’u qortuar, jo në Facebook. Kështu, duke u kundërshtuar në mënyrë publike, i latë shqiptarët pa një përfaqësim të adekuat dhe pa meritokraci,” shkruan Ilire Dauti, deputete e ASH-Sela/Fronti Europian.