Dardan Cena e fiton edhe betejën e dytë në Evropianin e xhudos

Sporte tjera

Gazeta Express

24/04/2025 11:40

Dardan Cena e ka fituar edhe betejën e dytë në Kampionatin Evropian të xhudos, i cili po mbahet në Podgoricë të Malit të Zi.

Garuesi kosovar në rrethin e dytë në kategorinë deri në 73 kilogramë e mposhti me Ippon ukrainasin Said-Magomed Khalidov, shkruan “Gazeta Express”.

Paraprakisht, Cena e mposhti izraelitin Baruch Shmailov.

Xhudisti pejan synon të shkojë sa më larg në Evropianin e xhudos, ndërsa në rrethin e tretë do të takohet me rusin Danil Lavrentev, përmes së cilit do ta kërkojë kualifikimin në çerekfinale të Evropianit. /Gazeta Express