Daniels, MVP i javës në Superligën e basketbollit

Basketboll

Gazeta Express

23/01/2023 14:52

Will Daniels ka qenë ylli i javës në Superligën e basketbollit.

Trepça triumfoi në derbin ndaj Pejës në udhëtim dhe më i miri pa diskutim për mitrovicasit në këtë takim ishte pikërisht ky basketbollist, shkruan “Gazeta Express”.

Në 24 minuta lojë, Daniels i realizoi 25 pikë, 9 kërcime, 1 asistim, 2 topa të vjedhur dhe 1 bllokadë.

Daniels ishte më i miri i kësaj ndeshjeje dhe i xhiros së 19-të, njofton Federata e Basketbollit të Kosovës.

Ai u ndihmua nga Mikaile Tmusiq me 20 pikë e 6 kërcime, shkruan “Gazeta Express”.

Tmusiq dalëngadalë po rikthehet në formën e dikurshme.

Dardan Berisha e zhvilloi një ndeshje të jashtëzakonshme përballë Bashkimit.

Kapiteni i Kosovës ndaj prizrenasve realizoi 29 pikë, 6 kërcime e 7 asistime, duke qenë basketbollisti më i mirë i ndeshjes dhe ndër më të mirët e kësaj jave.

Ponte Prizreni iu rikthye fitoreve, ku mundi Rahovecin, ndërsa u dallua basketbollisti i Kosovës, Meriton Ismaili.

Ai shënoi 28 pikë apo 7 herë nga 3 pikë nga 9 tentime sa i kishte.

Golden Eagle Ylli vazhdoi me fitore, që ishte e 15-të ndaj Vëllaznimit, ku më i miri ishte kapiteni i therandasve dhe qendra e Kosovës, Gëzim Morina.

Ndaj kuqezinjve kishte 13 pikë, gjashtë kërcime dhe dy asistime. /Gazeta Express/

Top 5

Will Daniels (Trepça) 25 pikë, 9 kërcime, 1 asistim

Dardan Berisha (Sigal Prishtina) 29 pikë, 6 kërcime, 7 asistime

Meriton Ismaili  (Ponte Prizreni) 28 pikë, 2 kërcime

Mikaile Tmusiq (Trepça) 20 pikë, 6 kërcime

Gëzim Morina (Golden Eagle Ylli) 13 pikë, 6 kërcime, 2 asistime