Daniel Kral komenton foton e takimit në Ohër: Vetëm Kurti aty e njeh Kosovën si shtet të pavarur

Lajme

Gazeta Express

19/03/2023 11:44

Daniel Kral, ekonomist i “OxfordEconomics”, ka shkruar për takimin e së shtunës ndërmjet kryeministrit të Kosovës, Albin Kurti dhe presidentit serb, Aleksandar Vuçiq.

Duke marrë shkas nga një fotografi e publikuar nga takimi nga kreu i diplomacisë europiane, Josep Borrell, në të cilën përveç tij, shihet edhe emisari i BE-së për dialogun, Miroslav Lajçak, Kral ka thënë se aty vetëm Kurti është nga një vend që “e njeh Kosovën si shtet të pavarur”, raporton Gazeta Express.

“Vetëm një person pas asaj tavoline është nga një vend që e njeh Kosovën si shtet të pavarur. Ai person është vetë kryeministri i Kosovës”, ka shkruar Kral.

Pas rreth 12 orë negociatash, Kurti dhe Vuçiq u pajtuan mbrëmë për planin e zbatimit të marrëveshjes mbi bazën e propozimit europian.