Dallku shprehet i lumtur me ekipin e Vushtrrisë: Ky është futbolli

Futboll

Gazeta Express

31/05/2025 19:25

KF Llapi e ka fituar ndeshjen e barazhit të Superligës së Kosovës në futboll.

Llapjanët triumfuan pas penalltive ndaj Vushtrrisë, për ta siguruar mbetjen në elitë, pas një sezoni zhgënjyes, shkruan Gazeta Express.

Pas humbjes, trajneri i Vushtrrisë, Armend Dallku u shpreh i lumtur për ekipin.

“Duhet të jemi të lumtur për ekipin. E kishim përgatitur ndeshjen shumë mirë. Është normale që pas kartonit të kuq u prish balanci. Ky është futbolli. Nëse ndonjëherë kam qenë i lumtur si trajner, është ky grup i futbollistëve. Falënderoj çdo tifoz që ishte prezent”, tha Dallku.

I pyetur për vazhdimin me Vushtrrinë, ai tha se fillimisht do të bisedojë me drejtuesit e klubit.

“Do të ulemi me drejtuesit e klubit dhe do të bisedojmë së bashku. Nëse të gjitha palët janë dakord, pse jo të mos vazhdojmë. Kemi kaluar 15 ndeshje pa pranuar gol, 20 ndeshje pa humbje”, përfundoi Dallku.