Dalja e Armaldos përlot Oltën, Luizi: E bëra për ty, tani nuk ke me kë të rrish

Rozë

Gazeta Express

18/03/2023 23:05

Pas daljes së Armaldos, në shtëpi ka pllakosur trishtimi, heshtja dhe lotët. Olta u mërzit më shumë nga të gjithë banorët dhe u përlot.

Ajo u shpreh se nuk e priste fare këtë vendim, ndërsa disa prej banorëve të tjerë mendonin të njëjtën gjë, mes tyre edhe Kiara.

Olta: Nuk e prisja daljen e Maestros, isha e sigurtë që do qëndronte. Më prek më shumë akoma që Luizi pas gjithë fushatës që bëri për ta nxjerrë jashtë është kaq i qetë dhe i lumtur.

Luiz: Për ty e bëra Olta. Tani nuk ke as më ke flet dhe as me kë rri. Është loja ime, e bëj si të dua.

Kujtojmë se ai ishte në nominim me Luizin dhe Kristin. Treshja doli në nominim pas zarfit të zi pasi ishin mbyllur në banjo, gjë e cila nuk lejohet.

Sipas Luizit, i cili shkoi në tualet kur brenda ishte Kristi dhe më pas thirri Maestorn, ishte strategji e tij pasi kishte “inate të vjetra”.

Maestro nuk pranoi të merrte me vete as biletën e fatit pasi tha se e ka vendosur që mos kthehet më, pavarësisht se çfarë përmban bileta./Gazeta Express