Aktori Tom Cruise shquhet për faktin se i xhiron vet të gjitha skenat e rrezikshme në filmat e tij “Mission Impossible”. Para pak kohësh u bë i ditur lajmi se aktori 58-vjeçarë ka treguar edhe një herë tjetër se nuk ka misione të pamundura për të, duke u hedhur nga 150 metra lartësi me një motor, gjatë xhirimeve të filmit të radhës.
Dhe tani janë publikuar pamjet nga xhirimet e këtyre skenave të rrezikshme dhe plot adrenalinë, të cilët siç duket Cruise i përballon me shumë lehtësi dhe profesionalizëm.
Ky do të jetë filmi i shtatë me protagonist Tom Cruise, i cili, sipas “Mail on Sunday”, u ka thënë miqve të tij se në moshën 60-vjeçare nuk do të bëjë më këto akrobacione nëpër sheshxhirime.
Tom Cruise New Mission impossible 7 stunt
Enjoy the videos and music you love, upload original content, and share it all with friends, family, and the world on YouTube.
Mendohet se Tom Cruise do të xhirojë edhe një film tjetër pas këtij, që do të jetë i teti dhe i fundit i sagës së suksesshme “Mission Impossible” , transmeton Koha.
Këta filma që kanë nisur së realizuari në vitin 1996, kanë grumbulluar deri më sot rreth 2,7 miliardë dollarë në të gjithë botën.