string(70) "daku-fytyra-e-rubin-klubi-rus-e-nis-fushaten-e-abonimeve-me-shqiptarin"

Daku, “fytyra” e Rubinit, klubi rus e nis fushatën e abonimeve me shqiptarin

Futboll

Gazeta Express

14/02/2025 9:28

Udhëheqjen në fushë e ka fituar prej kohësh.

Kjo besohet e ka bindur klubin e Rubinit që të zgjidhte Mirlind Dakun edhe si njeriun e biznesit, duke nisur me të fushatën dimërore të abonimeve.

Lexo Edhe:

Në videon e hedhur në faqet zyrtare të klubit në rrjetet sociale, shfaqet Daku duke nxitur tifozët që të blinin abone për pjesën e mbetur të sezonit.

Sulmuesi shqiptar flet në anglisht dhe u thotë përkrahësve se ai do të shkonte të blinte një abone, se koha po kalon dhe I ftoi që të kënaqeshin në pranverë në stadiumin e qytetit të Kazanit.

Falë edhe Dakut, Rubini ka qenë mjaft mirë në fazën e parë të Premier Ligës ruse duke mbajtur vendin e 8-të në renditje, pra krejt brenda objektivave për të qendruar në elitë edhe për edicionin tjetër.

Jo më kot ylli kuqezi ka 9 gola e 5 asiste, si njëri nga sulmuesit më të mirë të kampionatit, dhe synon të arrijë e të thyejë rekordin e rrjetave në një sezon të klubit me 16 gola, përcjell abcnews.

Ndërkaq, mediat ruse komentuan sërish për bisedimet mes Rubinit dhe Lokomotivës së Moskës, përderisa faza e transferimeve në vend është ende e hapur dhe kampionati fillon në nisje të marsit.

Sipas këtyre mediave, drejtuesit kërkuan mbi 10 milionë euro për kartonin e shqiptarit, ndonëse nuk e saktësuan shumën, dhe kjo detyroi moskovitët që të tërhiqeshin nga bisedimet.