Çulev e akuzon Spasovskin për parregullsi në MPB


Gazeta Express
28 Janar 2020 15:08

Ish ministri i Punëve të Brendshme, Oliver Spasovski në muajin e fundit të mandatit të tij ka sjellë një numër të madh të vendimeve për ricaktim dhe avancim. Kështu ka theksuar ministri teknik Naqe Çulev, i cili tha se bëhet fjalë për 1500 vendime vetëm nga fillimi i dhjetorit deri më datë 25, dhe 1198 vendime në javën e fundit të mandatit të Spasovskit.

Çulev nënvizoi se sjellja e vendimeve për ricaktim dhe avancim është bërë në mënyrë jokompetente dhe me anashkalime evidente të akteve ligjore dhe nënligjore.

“Me qëllim që opinioni të merr një pasqyrë të qartë për gjendjen e përgjithshme në MPB, do ta përmend numrin e vendimeve të sjellura në muajin dhjetor të vitit 2019. Domethënë nga fillimi i muajit dhjetor deri më datë 25, janë sjellur gjithësej 1500 vendime, ndërkohë që në javën e fundit për vetëm shtatë ditë pune, janë përpunuar dhe sjellur 1198 vendime. Vendime janë dhënë madje edhe në orët e vona të netëve më 3 janar, madje edhe në orën 12:00. Në krahasim me periudhën e njejtë të vitit të kaluar, gjatë muajit dhjetorë janë sjellur vetëm 194 vendime”, tha Çulev./GazetaExpress/

Te fundit


Kthehu lart