Crystal Palace i refuzon dy oferta të Liverpoolit për Marc Guehin

Sport

Gazeta Express

05/08/2025 21:20

Crystal Palace ka refuzuar dy oferta nga Liverpool për transferimin e Marc Guehi (25) gjatë afatit kalimtar të verës, sipas një raportimi nga “Foot Mercato”.

Kampionët e Premier League janë të interesuar të nënshkruajnë me mbrojtësin e kombëtares angleze, por deri tani përpjekjet e tyre janë hedhur poshtë.

Të dyja ofertat e paraqitura nga klubi nga Merseyside nuk kanë arritur vlerësimin që ka vendosur skuadra e Londrës Lindore për qendërmbrojtësin.

Palace kërkon një shumë rreth 55 milionë euro për Guehi. Pavarësisht interesimit të madh, lojtari nuk ka ndërmend të detyrojë një lëvizje drejt Liverpoolit këtë verë.

Kontrata e Guehi në “Selhurst Park” skadon në fund të sezonit dhe 25-vjeçari do të jetë i lirë të bisedojë me klube të tjera si lojtar i lirë.

Nëse nuk arrihet një marrëveshje transferimi, ish-mbrojtësi i Chelseat është i gatshëm të presë momentin e duhur për një hap të ardhshëm në karrierë.

Pas refuzimit të dy ofertave të para, Liverpool ka filluar të shqyrtojë opsione të tjera, raporton “Foot Mercato”./GazetaExpress/