Covid në Shqipëri: Zero viktima! 134 raste të reja dhe 100 të shëruar në 24 orët e fundit

Gazeta Express

24/09/2020 16:44

Kjo e enjte shënon një ndër ditët më pozivite në lidhje me numrat Covid në Shqipëri, pasi në 24 orët e fundit nuk është regjistruar asnjë humbje jete.

Lajmin e ka përcjellë Ministria e Shëndetësisë në buletinin për përditësimin e të dhënave. Në 24 orët e fundit u kryen 852 testime, prej të cilave 134 raste kanë rezultuar Covid pozitiv.

Ministria njoftoi gjithashtu se ka patur 100 pacientë të shëruar në këto 24 orë.

Ndërkohë në spitalet Covid në Tiranë, aktualisht janë të shtruar 186 prej të cilëve 16 janë në terapi intensive dhe 5 në gjendje të rëndë./Express