Courtois i nis ushtrimet refleksive, portieri i Realit i vendosur për t’u kthyer në super-formë

Futboll

Gazeta Express

27/09/2023 11:41

Thibaut Courtois e pësoi një lëndim të rëndë javë më parë, i cili do ta lë jashtë fushës së blertë për një kohë të gjatë.

Portieri belg u pa me lot në sy pasi e dinte se nuk do të mundë të luante për disa muaj.

Sidoqoftë, portieri i Real Madridit i ka nisur ushtrimet e lehta dhe pa ngarkesa, shkruan “Gazeta Express”.

Siç shihet në një video që është bërë virale, ish-portieri i Atletico Madridit dhe i Chelseat ka nisur të ushtrojë në reflekse, me topa të futbollit dhe të tenisit, i ulur në karrige pasi për momentin ecën ende duke u mbështetur në paterica.

Më poshtë mund t’i shihni ushtrimet individuale që po i bën njëri prej portierëve më të mirë në botë. /Gazeta Express/