Comolli dhe Chiellini kritikojnë ashpër ndeshjen Inter – Juventus: Ndodhi e papranueshmja

Sport

Gazeta Express

14/02/2026 23:43

Pas humbjes 3-2 të Juventusit ndaj Interit në derbin e Serie A, tensioni u shfaq edhe në deklaratat e drejtuesve të klubit.

Damien Comolli, CEO i Juventusit, dhe legjenda Giorgio Chiellini kritikuan hapur mënyrën se si u zhvillua ndeshja dhe vendimet e arbitrave.

Comolli u shpreh për Sky Sport:

“Juventus humbi 3 pikë, por sonte futbolli italian humbi MË SHUMË. Sot ishte turpëruese. Ndodh gjithmonë, njësoj, përsëri e përsëri. Kjo u pa nga e gjithë bota.”

Ndërkohë Chiellini shtoi:

“Nuk mund të flasim për futboll. Diçka e papranueshme ndodhi sot. Është e papranueshme të shkatërrosh një ndeshje në këtë mënyrë. Ky ishte spektakli që, fatkeqësisht, u pa në gjithë botën. Nevojitet një NDRYSHIM.”

Trajneri Luciano Spalletti zgjodhi të mos deklaronte pas takimit, ndërsa polemikat më të mëdha qendrojnë te kartoni i kuq i diskutueshëm për Pierre Kalulu, që ndikoi dukshëm në rrjedhën e ndeshjes dhe rezultatin përfundimtar.

Ky episod ka ndezur debat të ri për drejtësinë e arbitrave dhe tensionin e rritjes së presionit në derbit e Serie A. /GazetaExpress