Çmimet e benzinës dhe naftës në Maqedoni mbeten ndër më të ulëtat në rajon

Maqedoni

Gazeta Express

10/04/2026 13:30

Ne e ulëm TVSH-në për karburantet më së shumti në gjithë rajonin dhe më pas ndërhymë edhe me akcizën e cila pati një ndikim pozitiv, duke pasur parasysh se inflacioni i përgjithshëm krahasuar me marsin e këtij viti dhe marsin e vitit të kaluar është vetëm 0,7 për qind, deklaroi zëvendëskryeministri dhe ministri i Transportit, Aleksandar Nikolloski, duke bërë të ditur se të martën në seancë qeveritare do të shqyrtohen masat për, siç tha ai, “sjellje të caktuara spekulative në produktet ushqimore”.

Duke folur për krizën në Lindjen e Mesme dhe efektet e saj në ekonomi, Nikolloski gjatë pjesëmarrjes në “Samo intervju” (Vetëm intervistë) në TV Kanal 5, theksoi se Qeveria ndërmori masa në valën e parë kur u pa se do të ketë krizë, por edhe se vërehen spekulime të caktuara, ku çmimet rriten dita ditës, ndërsa jemi të vetëdijshëm se furnizimet mbahen për të paktën tre muaj…

“Njëjtë ishte edhe me produktet ushqimore dhe vezët dhe për këtë arsye e ngarkuam Ministrisë së Ekonomisë dhe Punës, së bashku me Inspektoratin Shtetëror të Punës dhe Tregut të bëjnë një krahasim çmimesh në mënyrë sasiore, sepse kjo nuk do të përfundojë me Pashkët dhe të martën në seancën e rregullt të Qeverisë do ta shqyrtojmë këtë raport dhe në bazë të tij do të marrim masa”, ka thënë Nikolloski.

Masat, sipas Nikolloskit, mund të duhet të jenë ndaj atyre për lehtësim dhe me një politikë kufizuese, domethënë, ata që e keqpërdorin situatën duhet të ndëshkohen.

“Kjo është pjesa e dytë. Nëse kriza vazhdon, megjithëse siç thashë gjërat po ndryshojnë. Nëse kriza vazhdon, ne sigurisht që do të ndërhyjmë edhe këtu”, deklaroi Nikolloski, duke theksuar se megjithëse “pas armëpushimit shpresoj që situata të shkojë në një gjendje të mirë dhe që ky konflikt në Lindjen e Mesme të mos përsëritet”.

Lidhur me situatën e vitit të kaluar dhe “shoqërimin e karteleve” të disa tregjeve në vend, Nikolloski rikujtoi se kjo u konfirmua nga Komisioni për mbrojtjen e konkurrencës, duke theksuar se “vitin e kaluar ishte e qartë se kjo ishte sjellje spekulative”.

Nikolloski theksoi se masat u ndërmorën në pjesën e çmimeve që lidhen me tregun e aksioneve – benzina dhe nafta dhe se kemi çmimet më të lira të benzinës dhe naftës në të gjithë rajonin.