Los Angeles Clippers morën fitore të rëndësishme me rezultat 124:111 kundër Denver Nuggets të mërkurën në Orlando, duke e siguruar kështu vendin e dytë në Konferencën e Perëndimit në NBA falë 27 pikëve të Paul George dhe 26 pikëve të Kawhi Leonard.
Lou Williams e ndihmoi skuadrën e Clippers me 23 pikë dhe shtatë asiste, si zakonisht duke ndihmuar përkundër që s’e nisi ndeshjen si titullar. Ndërsa, edhe Ivica Zubac kontribuoi te kjo fitore e Clippers me 15 pikët e 12 kërcimet e tij, transmeton Gazeta Express.
Tashmë Clippers e kanë siguruar vendin e dytë në Konferencën e Perëndimit, që do të thotë se do të përballen me Dallas Mavericks në rundin e parë të play-offs të NBA, që do të nisin javën e ardhshme. Nuggets mbeten në pozitën e tretë në Konferencë.
Los Angeles Clippers vs Denver Nuggets – Full Game Highlights | August 12, 2020 | 2019-20 NBA Season
Los Angeles Clippers vs Denver Nuggets – Full Game Highlights | August 12, 2020 | 2019-20 NBA Season ? SUBSCRIBE, LIKE & COMMENT for MORE! ? Check out our la…
Rezervisti Jerami Grant i shënoi 25 pikë dhe gjashtë kërcime, të cilat megjithatë s’ishin të mjaftueshme për Nuggets. Nikola Jokic e mbylli ndeshjen me 17 pikë, 13 asiste dhe shtatë kërcime, ndërsa Michael Porter Jr u limitua në 11 pikë.
Indiana Pacers 108 – Houston Rockets 104
Doug McDermott i shënoi dhjetë nga 16 pikët e tij në çerekun e katërt të ndeshjes, duke i ndihmuar Indianas ta ndalë James Hardenin që shkëlqeu afër fundit të ndeshjes dhe ta marrë fitoren kundër Houston, përkundër mungesës së T.J. Warren.
Falë fitores në ndeshjen e parafundit të sezonit të rregullt në NBA, Indiana e siguroi vendin e pestë në Konferencë e Lindjes, që do të thotë se do të përballet me Miami Heat në rundin e parë të play-offs.
Indiana Pacers vs Houston Rockets – Full Game Highlights | August 12, 2020 | 2019-20 NBA Season
Indiana Pacers vs Houston Rockets – Full Game Highlights | August 12, 2020 | 2019-20 NBA Season ? SUBSCRIBE, LIKE & COMMENT for MORE! ? Check out our latest …
Pacers u mungoi ylli i NBA Bubble, Warren, për këtë përballje, pasi trajneri Nate McMillan e konfirmoi se ai po përballej me një inflamacion të një muskuli në shputën e tij. Sipas mediumeve amerikane, ky lëndim s’ia pamundëson Warrenit pjesëmarrjen në fazën play-offs.
Toronto Raptors 125 – Philadelphia 76ers 121
76ers e mirëpritën kthimin e Joel Embiid në pjesën e parë, para se ta shpërdoronin epërsinë prej shtatë pikëve dhe t’ia jepnin fitores Raptors për katër pikë epërsi, falë kryesisht Stanley Johnson që e zhbllokoi rezultatin me një kosh kur kishin mbetur edhe 5.9 sekonda lojë.
Toronto Raptors vs Philadelphia 76ers – Full Game Highlights | August 12, 2020 | 2019-20 NBA Season
Toronto Raptors vs Philadelphia 76ers – Full Game Highlights | August 12, 2020 | 2019-20 NBA Season ? SUBSCRIBE, LIKE & COMMENT for MORE! ? Check out our lat…
Embiid, i cili e kishte lënduar kyçin e këmbës së majtë kundër Portland dhe kishte munguar në ndeshjen e së martës kundër Phoenix, luajti 14 minuta në pjesën e parë dhe e mbylli ndeshjen me pesë pikë dhe nëntë kërcime.
Tobias Harris ishte koshashënuesi më i mirë në këtë ndeshje me 22 pikët e tij për Philadelphian, mirëpo Raptors e morën fitoren në fund. Te skuadra kanadeze, më të mirët ishin Chris Boucher dhe Kyle Lowry, që i shënuan nga 19 pikë, për t’ia dhënë skuadrës së tyre vendin e dytë në Konferencën e Lindjes.
Miami Heat 115 – Oklahoma City Thunder 116
Darius Bazley i shënoi 16 nga 21 pikët e tij në çerekun e katërt të ndeshjes, ndërsa Mike Muscala e shënoi trepikëshin vendimtar në sekondat e fundit të lojës për t’ia dhënë Oklahomas fitoren me përmbysje kundër Miamit, që luajti me rezervistë në pjesën e dytë.
Miami Heat vs Oklahoma City Thunder – Full Game Highlights | August 12, 2020 | 2019-20 NBA Season
Miami Heat vs Oklahoma City Thunder – Full Game Highlights | August 12, 2020 | 2019-20 NBA Season ? SUBSCRIBE, LIKE & COMMENT for MORE! ? Check out our lates…
Thunder kishin qenë duke pësuar disfatë me plot 22 pikë në fillim të çerekut të katërt, por arriti ta përmbysë rezultatin në mënyrë dramatike duke e fituar këtë çerek të fundit me rezultat 34:15. Barazimin e kishin arritur kur kishin mbetur edhe 34.8 sekonda lojë, ndërsa fitoren e siguruan me trepikëshin e Muscalas me 5.2 sekonda lojë të mbetura. /Gazeta Express/