“Çka je ka flet more – Ka edhe asi që shkrujnë e fyejnë gjithë ditën e s’i ngucë kërkush, hyn në fan page temin”, Gjini i përgjigjet Goles në akuzat për presion

Lajme

Gazeta Express

04/11/2025 21:52

Në radhën e përballjeve në emisionin Pressing në T7 është Gjakova. Në studio janë Ardian Gjini i AAK-së dhe Ardian Gola i Lëvizjes Vetëvendosje.

Gjini i është përgjigjur Golës lidhur me akuzat për presion duke thënë se anipse është kryetar komune, ka prej atyre që punojnë aty, shkruajnë e fyejnë, e janë kundër tij dhe nuk i ka ‘ngucur askush’.

Gola e akuzon se një drejtoreshë e çerdhes tij është larguar nga puna, por Gjini i përgjigjet duke i thënë se ajo është larguar për shkak se i ka mbyllur koleget e saj me çelës.

Një pjesë të debatit të cilën mund ta dëgjoni edhe në videon e mëposhtme:

Gjini: Ka edhe asi që gjithë ditën shkrujnë e fyejnë gjithë ditën e s’i ngucë kërkush

Gola: Hyn në fan page temin edhe me pa cfarë gjuhë banale, e ofendime vulgare

Gjini: Ti hin në temen, se unë jom kryetar i komunës, e jo ti

Gjini: Munesh me i marrë edhe një 5 minuta me hi në fan page temin, duhet me gjet njerëzit të cilët e bëjnë atë punë, edhe prapë janë në atë vend të punës, aktivista të devotshëm të një partie tjetër që nuk është në pushtet e që nuk i ka nguc kërkush që 8 vjet. Ka njerëz që janë pastër kundër meje, edhe nuk i ka nguc kërkush.