City – Real dhe Bayern – Arsenal, super përballjet e natës në Champions

Futboll

Gazeta Express

17/04/2024 12:01

Sonte është koha për t’i mësuar dy skuadrat e radhës që e sigurojnë një vend për në gjysmëfinalen e Ligës së Kampionëve.

Këtë të mërkurë na presin dy ndeshjet kthyese të çerekfinales së dytë të Championsit, shkruan Gazeta Express.

Padyshim që e gjithë vëmendja do të jetë në Angli, aty ku takohen Manchester City e Real Madridi.

Të dy skuadrat para dy jave luajtën baras 3:3 në sfidën e zhvilluar në “Santiago Bernabeu”.

Për Realin shënuan Dias autogol, Rodrygo dhe Valverde, kurse për Cityn Silva, Foden dhe Gvardiol.

Edhe përballja tjetër e natës do të jetë fantastike. Bayern Munichu është nikoqir i Arsenalit në “Allianz Arena”.

Sfida e parë e zhvilluar në Londër nuk prodhoi fitues, me takimin që u mbyll 2:2.

Golat për anglezët i shënuan Saka e Trossard, derisa për gjermanët realizuan Gnabry dhe Kane nga pika e bardhë.

Fituesit nga të dy takimet e sotme do të takohen mes vete në gjysmëfinale.

Të dy sfidat e natës pritet të fillojnë nga ora 21:00.

E mbrëmë, këtë fazë e kanë siguruar Paris Saint Germani dhe Borussia Dortmund.

Ndeshjet e para gjysmëfinale do të zhvillohen më 30 prill, kurse ato të kthimit më 7 maj./Gazeta Express