Çitaku i reagon Hajdarit: Po shqetësohesh pse Prokuroria paska pasur qasje në dokumente "sekrete", sekrete që i ke ndarë me Ridvanin - Gazeta Express
string(128) "citaku-i-reagon-hajdarit-po-shqetesohesh-pse-prokuroria-paska-pasur-qasje-ne-dokumente-sekrete-sekrete-qe-i-ke-ndare-me-ridvanin"

Lajme

Gazeta Express

31/07/2025 17:30

Çitaku i reagon Hajdarit: Po shqetësohesh pse Prokuroria paska pasur qasje në dokumente “sekrete”, sekrete që i ke ndarë me Ridvanin

Lajme

Gazeta Express

31/07/2025 17:30

Sot, ministrja në detyrë e Tregtisë, Rozeta Hajdari është intervistuar nga Prokuroria Speciale. Pas intervistimit për media ajo ka deklaruar se policët hetues kanë marrë materiale nga MINT, të cilat siç ka thënë ajo kanë qenë sekrete.

Lidhur me këtë ka reaguar deputetja e Partisë Demokratike të Kosovës, Vlora Çitaku.

Çitaku ka thënë se kjo gjë është ironike dhe alarmante.

‘‘Rozeta po shqetësohet pse Prokuroria paska pasur qasje në dokumente “sekrete”. Të jemi të qartë: bëhet fjalë për të njëjtat “sekrete” që ajo i ka ndarë me Ridvanin, një qytetar që nuk ka kaluar asnjë verifikim apo filtër sigurie.

Ironike, por edhe alarmante. Ky nuk është shqetësim për ligjshmërinë, por panik nga përgjegjësia.

Injorancë pa kufij, e përzier me arrogancë të rrezikshme’’, ka shkruar ajo.

Ndryshe, Hajdari është intervistuar sot në cilësinë e të pandehurës sa i përket dyshimeve për keqpërdorime me rezervat shtetërore. Kurse Ridvan Muharremi ka qenë njëri nga personat që është arrestuar për këtë skandal.