Çitaku i del në mbrojtje Ganimete Musliut: PDK nuk i nënshtrohet askujt, sulmet ndaj saj tregojnë panik

Lajme

Gazeta Express

23/07/2025 18:09

Nënkryetarja e PDK-së, Vlora Çitaku, ka reaguar pas kritikave të shumta që deputetja Ganimete Musliu ka marrë pas ngjarjes së sotme në Kuvendin e Kosovës, ku u përplasë me kryesuesin e seancës, Avni Dehari, shkruan Express.

Çitaku tha se Musliu nuk ka bërë asgjë më shumë e as më pak sesa ka ushtruar të drejtën kushtetuese të fjalës në Kuvend.

“Sulmet e ulëta ndaj saj nuk tregojnë vetëm panik, por edhe një vetëdije të mjerë politike,” shkroi Çitaku.

Ajo akuzoi Vetëvendosjen dhe eksponentët e saj se përdorin gjuhë fyese dhe denigruese si një mjet të përhershëm për të linçuar këdo që nuk i nënshtrohet “liderit suprem”.

“PDK nuk i nënshtrohet askujt. Dhe kurrë nuk do t’i nënshtrohet,” përfundoi Çitaku.