Cili politikan kosovar e shpëtoi nga atentati Ervis Martinajn në Aeroportin e Prishtinës

Lajme

Gazeta Express

21/09/2022 22:41

Gazetari Artan Hoxha ka folur për rastin kur Ervis Martinaj u shpëtua nga ekzekutimi nga një politikan i Kosovës.

Hoxha në emisionin ‘Pressing’ në T7 tha se Martinaj ishte duke u kthyer nga Stambolli për në Aeroportin ‘Adem Jashari’ në Prishtinë, kur u tentua ekzekutimi i tij.

Tutje, duke mos dashur të përmend me emër, tha se një politikan kosovar, i cili ka qenë edhe pjesë e Kuvendit të Kosovës, e ka marrë Martinajn me automjet të blinduar dhe si pasojë ky i fundit ka shpëtuar nga ekzekutimi.

Hoxha thotë se prezenca e politikanit kosovar në ato momente mund të ketë qenë rastësi, mirëpo thotë se ky politikan ia shpëtoi jetën Ervis Martinajt.

“Ka organizuar një skuadër vrasjesh, dhe kanë tentuar ta ekzekutojnë në dalje të aeroportit Adem Jashari të Prishtinës. Kjo ka ndodhur në vitin 2019 gjatë kthimit të tij nga Dubai në Stamboll dhe nga Stambolli në Prishtinë.

Ervis Martinajn ka ardh e ka marrë një politikan i Kosovës, i cili lëvizë me automjete të blinduara, ai ka qenë rastësisht aty, dhe ka ardh për miqësi por pa dashur ai e ka shpëtuar nga atetnati sepse personat që kanë ardhë nga jugu i Shqipërisë e kanë parë që Martinaj po lëvizte me mjete të blinduara dhe me njerëz me reputacion në Kosovë”, tha ai.