Çifti ukrahinas bllokohet në kodrat e Zvërnecit, era e fortë rrëzon pemën dhe i bllokon

Shqiperi

Gazeta Express

30/08/2025 15:02

Reshjet e dendura të shiut, të shoqëruara me erë të fortë, kanë shkaktuar probleme në zonën e Zvërnecit, ku dy turistë nga Ukraina mbetën të bllokuar.

Ngjarja ka ndodhur rreth orës 13:00, kur një pemë e rrëzuar për shkak të erës bllokoi rrugën rurale, ndërsa u dëmtua edhe segmenti për këmbësorë. Çifti kërkoi ndihmën e zjarrfikësve të Vlorës, të cilët shkuan menjëherë në vendngjarje për të hapur rrugën dhe për të prerë pemën.

Përveç automjetit të turistëve, të bllokuara mbetën edhe disa makina të tjera. Fatmirësisht, nuk raportohet për të lënduar.