Chiesa do të startojë kundër Chelseat dhe do ta marrë medaljen e Premierligës

Sport

Gazeta Express

02/05/2025 21:28

Federico Chiesa pritet të startojë për Liverpool kundër Chelsea më 4 maj, pasi ish-ylli i Juventusit kërkon edhe një paraqitje tjetër për t’u kualifikuar për medaljen e kampionit të Premier League.

Sipas “Standard.co.uk”, anësori italian pritet të jetë në formacionin titullar të ndeshjes së ardhshme të Liverpool në Premier League në “Stamford Bridge”. 27-vjeçari ka bërë vetëm katër paraqitje në ligë këtë sezon, asnjë si titullar, dhe i duhet të luajë të paktën edhe një ndeshje për të siguruar medaljen e kampionit. Liverpool e ka fituar matematikisht titullin e tij të 20-të vendas javën e kaluar, pas fitores 5-1 kundër Tottenham në Anfield.

Trajneri i Liverpool, Arne Slot, pritet të rrotullojë skuadrën në ndeshjet e mbetura të kampionatit, dhe Chiesa mund të ketë mundësinë të aktivizohet në repartin ofensiv. Ish-lojtari i Juventus dhe Fiorentina është përballur me dëmtime këtë sezon, duke shënuar vetëm dy gola dhe dhënë dy asistime në 12 paraqitje në të gjitha garat, duke grumbulluar gjithsej vetëm 395 minuta. Ai nuk ka luajtur për kombëtaren e Italisë që nga Europiani i verës së kaluar.

Slot u shpreh: “Nuk mendoj se ata Chiesa dhe Elliott kanë diçka për të më dëshmuar mua, sepse i shoh çdo ditë në stërvitje, dhe i kam parë duke luajtur për ne në të kaluarën ose këtë sezon.

Federico, jo në të kaluarën me ne, por ai ka pasur një karrierë të shkëlqyer me klube të tjera gjithashtu, kështu që nuk mendoj se këta lojtarë duhet të dëshmojnë se çfarë lojtarësh cilësorë janë.

Mendoj se ata duan të dëshmojnë për veten e tyre se janë mjaftueshëm të mirë për të luajtur për ne, dhe unë tashmë e di që ata janë, dhe me gjasë edhe vetë e dinë këtë. Pra jo, nuk mendoj se kanë ndonjë gjë për të dëshmuar, por mendoj se do të donin të luanin.”/GazetaExpress/