Chelsea zyrtarizon transferim edhe pas mbylljes së merkatos

Futboll

Gazeta Express

13/09/2025 11:59

Chelsea ka konfirmuar nënshkrimin e një lojtari të ri, edhe pse dritarja e transferimeve u mbyll 11 ditë më parë.

Sulmuesi 22-vjeçar holandez, Emanuel Emegha, ka firmosur një marrëveshje parakontraktuale me klubin dhe do të bashkohet me Stamford Bridge më 1 korrik 2026. Aktualisht ai luan për Strasbourg në Ligue 1, klub i cili gjithashtu kontrollohet nga pronarët kryesorë të Chelsea, BlueCo.

Gjatë dritares së verës, Chelsea realizoi lëvizje të mëdha, duke përfshirë ardhjen e Joao Pedro dhe Liam Delap, dhe largimin e Noni Madueke, Christopher Nkunku, Joao Felix dhe Kiernan Dewsbury-Hall, gjë që ndihmoi në lirimin e hapësirës në buxhetin e pagave. Raheem Sterling mbetet nga pak të padëshiruarit, pasi nuk është gjetur një klub për të.

Emegha ka qenë kapiten i Strasbourg dhe shënoi 14 gola në Ligue 1 sezonin e kaluar, duke ndihmuar ekipin të kualifikohet për herë të parë në histori për futbollin evropian. Strasbourg përfundoi i shtati në Ligue 1 dhe mundi Brondby-n në rundin final kualifikues të Conference League.

Në një deklaratë për faqen zyrtare të klubit, Emegha tha:

“Strasbourg më dha mundësinë të zhvillohem dhe të arrij nivelin që jam sot. Për mua, dua të fokusohem 100% te Strasbourg deri në fund të sezonit, pastaj do të shkoj te Chelsea. Jam një lojtar që jep 100% çdo ditë për ekipin dhe klubin, dhe do të vazhdoj ta bëj këtë deri në fund. Diskutova me Chelsea, Strasbourg dhe BlueCo për atë që është më mirë për karrierën time dhe vendosëm që të qëndroj një vit te Strasbourg për ta udhëhequr ekipin në Europë dhe pastaj të shkoj te Chelsea.” /GazetaExpress/

"𝘑𝘦 𝘴𝘶𝘪𝘴 𝘤𝘰𝘯𝘤𝘦𝘯𝘵𝘳𝘦́ 𝘢̀ 100% 𝘴𝘶𝘳 𝘭𝘦 𝘙𝘢𝘤𝘪𝘯𝘨 𝘤𝘦𝘵𝘵𝘦 𝘴𝘢𝘪𝘴𝘰𝘯."

Auteur de 14 buts et 3 passes décisives qui ont contribué à la qualification européenne du club, Emanuel Emegha continuera cette saison à mener l’équipe en Ligue 1 et en Conference… pic.twitter.com/duHkhx3OeB

— Racing Club de Strasbourg Alsace (@RCSA) September 12, 2025