Chelsea në panik, ylli kryesor në dyshim për ndeshjen ndaj Arsenalit

Sport

Gazeta Express

04/11/2024 17:26

Chelsea është e shqetësuar për gjendjen fizike të Cole Palmer, pas një ndërhyrje të rëndë të Lisandro Martinezit gjatë ndeshjes së mbrëmshme me Manchester Unitedin.

Martinez i shpëtoi kartonit të kuq pas kësaj ndërhyrjeje të shëmtuar në yllin anglez të Chelseat, me gjyqtarin Rob Jones që edhe pas konsultimit me VAR-in, i qëndroi besnik vendimit të tij (vetëm karton i verdhë).

Trajneri i “Bluve të Londrës” iu dha një ditë pushim lojtarëve të tij, pasi arritën të marrin një barazim 1-1 në “Old Trraford” ndaj “Djajve të Kuq”.

Sipas “The Telegraph”, Chelsea shpresoi që e ënjtura në këmbën e majtë të anglezit do të kalojë, por që tashmë duhen patjetër teste mjekësore për të matur shkallën e lëndimit.

Kryeqytetasit besojnë dhe shpresojnë që Palmer do të jetë i gatshëm për stërvitje qysh këtë të martë.

Anglezi do të ketë mjaftë kohë të pushojë, pasi nuk është pjesë e listës së Chelseat për Ligën e Konferencës, aty ku do të përballet me Noah të Armenisë këtë të enjte.

Pas kësasj ndeshje, Chelsea do t’i bëj konak Arsenalit në “Stamford Bridge” të dielën.