“Blues” synojnë t’i fitojnë mbi 30 milionë euro nga shitja e dy lojtarëve të tyre, e në ndërkohë me ato para duan ta blejnë një mbrojtës të majtë
Chelsea është e interesuar t’i shesë dy lojtarët e tij, Emerson dhe Victor Moses, shkruan Gazeta Express.
Ideja e “Blues” është që të bëjnë para për transferimin e një mbrojtësi të majtë të ri.
Fituesi i fundit i Europa Leagues po synon t’i fitojë mbi 30 milionë euro nga shitja e këtyre dy lojtarëve.
Me këtë rast, Të Kaltrit do t’ia mësynin njërin prej tre objektivat që i kanë.
Bëhet fjalë për mbrojtësin e Leicester Cityt, Ben Chilwell, atë të Ajaxit, Nicolas Tagliafico ose futbollistin e Portos, Alex Telles.
Spekulohet se Chelsea mund të hyjë në garë edhe për mbrojtësin e majtë të Bayern Munichut, David Alaba. /Gazeta Express/
A jeni gati për shpërblimin më të madh në vend nga ETC, Lider i shërbimit dhe tregtimit në vend....