“Çfarë keni bërë? Qenkeni…” –  Rozana ngacmon Gjestin dhe Eglin

TV/Film

Gazeta Express

15/04/2025 19:33

Mëngjesi i sotëm në “Big Brother VIP Albania” nisi me shumë energji dhe të qeshura, falë Rozana Radit, e cila u shfaq plot gjallëri duke kërcyer në oborr së bashku me Laertin.

Pas momentit plot ritëm, këngëtarja u drejtua për në dhomën e gjumit, ku çifti i “sapomartuar”, Egli dhe Gjesti, po flinin pas natës festive të dasmës së tyre brenda shtëpisë.

Me stilin e saj të njohur plot humor, Rozana tentoi t’i zgjojë duke thënë me zë të lartë:

“Çohuni nub, se ka ardhur halla me dajën. Çohuni se ju kanë ardhur mysafirët, duhet t’i respektoni”.

Duke mos ndalur batutat, ajo iu drejtua Eglit me fjalët:

“Çohu ti nuse. Nuse se do fshish oborrin”.

Më pas shtoi me të qeshur:

“Çfarë keni bërë? Qenkeni këputur”.

Kujtojmë se mbrëmjen e kaluar, Egli dhe Gjesti kurorëzuan lidhjen e tyre me një dasmë simbolike dhe tradicionale, një prej momenteve më të komentuara të këtij sezoni të formatit.

Ceremonia u organizua me praninë e opinionistëve Arbër Hajdari dhe Neda Balluku, disa ish-banorëve dhe moderatorit Ledion Liço, i cili mori rolin e celebruesit të çiftit.