Çfarë janë zhurmat e bardha dhe si e ndihmojnë ato foshnjën tuaj të flejë?

Keshilla Mjekësore

Gazeta Express

16/07/2024 22:13

Zhurmat e bardha do të prodhohen nga kombinimi i frekuencave të ndryshme në të njëjtën kohë dhe asnjë prej tyre nuk do të mund të dallohet nga tjetri.

Zhurmat e bardha janë të paqarta dhe shpesh tingellojnë si një vorbullim, një gumëzhitje, dridhje që është në gjendje të “maskojë” zhurmat e tjera falë aftësëisë së maskimit të tingullit.

Zhurmat e bardha mund t’i përfitoni falë shumë aplikacioneve falas dhe që mund të përdoren në cdo moment që ju dëshironi.

Përse përdoren zhurmat e bardha?

Ashtu siç e shprehëm më sipër bllokojnë zhurmat e tjera që në këtë rast mund të shqetësojnë fëmijën teksa përpiqet të flejë;

Përdoret për të inkurajuar stabilizimin e gjumit të fëmijës;

Përdoren për të krijuar një ambient të ngjashëm me uterusin në mënyrë që foshnja të qetësohet;

Ndihmon prindërit pas lindjes së fëmijës të reduktojnë ankthin që mund të ndiejnë në momentet që janë duke u përpjekur të qetësojnë beben (këtë  e kanë konfirmuar shumë prindër).

A ka disavantazhe përdorimi i zhurmave të bardha?

Patjetër. Nëse zhurmat e bardha nuk do të përdoren në intesitetin e duhur dhe për një kohë të palimituar mund të ndikojnë në zhvillimin e dëgjimit të fëmijës. Kjo për pasojë se anatomia e veshit të fëmijës është ndryshe nga ajo e të rriturit.

Fëmija mund të krijojë varësi të madhe në momentin e gjumit;

Jo çdo fëmijë pëlqen zhurmat e bardha.

Si duhet të përdoret në mënyrë korrekte zhurma e bardhë?

Asnjëherë mos vendosni celularin me zhurmat e bardha apo pajisjen brenda shtratit të fëmijës;

Sigurohuni që volumi i zhurmave të jetë brenda limitit të lejuar dhe asnjëherë më tepër;

Mos përdorni zhurmë të fortë në momentet që fëmija është duke u pëpjekur të flejë;

Zgjidhni një zhurmë e cila nuk e kalon nivelin e ujit që bie nga dushi;

Fikeni pajisjen ndërsa fëmija është në gjumë;

Asnjëherë mos poziciononi pajisjen pranë kokës apo veshit të fëmijës;

E vendosni larg shtratit;

Mos e përdorni më tepër se 1 orë;

Mos përdorni zhurmat e bardha në çdo moment që përpiqeni ta vendosni foshnjën në gjumë;

Midis shumë opsioneve zgjidhni dicka të butë si për shembull zhurma e shiut që bie, tharrëses së flokëve etj.