Celibashi: Procesi i rinumërimit do të nisë javën e ardhshme

Shqiperi

Gazeta Express

10/06/2025 11:39

Komisioneri Shtetëror i Zgjedhjeve, Ilirjan Celibashi, ka bërë me dije sot se rinumërimi i mbi 610 mijë votave do të zhvillohet së shpejti në qarqet e Tiranës dhe Fierit. Ky proces pritet të fillojë të hënën ose të martën e javës që vjen.

Celibashi sqaroi se përgatitjet janë intensive dhe kërkojnë një mobilizim të gjerë, si në aspektin logjistik, ashtu edhe në atë njerëzor, duke garantuar kështu një proces të hapur dhe transparent. Ai shtoi se rinumërimi do të zhvillohet në pallatin e sportit “Fahrie Hoti”, pasi Parku Olimpik nuk është i disponueshëm për shkak të një aktiviteti sportiv që do të mbahet atje.

Ky hap vjen si pjesë e përpjekjeve për të siguruar saktësinë e rezultateve dhe besueshmërinë e procesit zgjedhor në vend.