Çekia i jep leksione Shqipërisë - Gazeta Express

Çekia i jep leksione Shqipërisë

Sport

Gazeta Express

08/06/2021 22:06

Shqipëria është dorëzuar para Çekisë, duke humbur 3-1 në miqësoren e dytë dhe të fundit të muajit qershor.

Kombëtarja shqiptare është mundur 3-1 nga Çekia në miqësore, pak ditë pas barazimit 0-0 me Uellsin, po ashtu ndeshje miqësore, të vetmet për muajin qershor.

Vendasit ishin më kërkuar dhe e gjetën golin e epërsisë në minutën e 18’.

Për 1-0 realizoi ish sulmuesi i Romës, Patrik Schick.

Shqipëria reagoi mirë, ende pa u mbyllur pjesa e parë.

Për 1-1 ka realizuar sulmuesi, Sokol Cikalleshi, në minutën e 42-të.

Ai realizoi një gol shumë, shumë të bukur nga distanca, për të mos i dhënë asnjë mundësi portierit kundërshtar.

Por, në pjesën e dytë Çekia hyri më furishëm dhe realizoi dy herë.

Fillimisht Për 2-1 ka arritur të realizojë mesfushori 28-vjecar, Lukas Masopust.

Derisa për 3-1 shënoi Ondrej Celůstka në min 89′.

Kjo ishte miqësorja e fundit për Shqipërinë për muajin qershor, që do të kthehet me të tjera ndeshje në shtator. /Gazeta Express/