Portieri veteran, Iker Casillas, i emocionoi tifozët e Real Madridit teksa kujtoi ndeshjen e tij të fundit me fanellën e Los Blancos, duke e përcjellë një foto nga ajo ndeshje me mesazhin: “Një ditë, do të kthehem”.
Ish-portieri i Real Madridit, Iker Casillas, e kujtoi këtë të shtunë ndeshjen e tij të fundit me Real Madridin, para transferimit në Porto, transmeton Gazeta Express.
Me një fotografi të tij në ndeshjen kundër Getafes në vitin 2015, portieri legjendar e shkroi një mesazh për tifozët e klubit madrilen.
“Ndeshja e fundit në Madrid. Një ditë, do të kthehem”, shkroi spanjolli.
The Last Match in Madrid. One day, I will come back! #QuedateEnCasa pic.twitter.com/mFu8WmpCux
— Iker Casillas (@IkerCasillas) May 23, 2020
Nga sezoni i tij debutues 1999/2000 e deri në sezonin e fundit në Santiago Bernabeu, 2014/15, Casillas i fitoi pesë tituj të La Ligës, dy të Kupës së Mbretit, katër të Superkupës së Spanjës, tre të Ligës së Kampionëve, dy të Superkupës së Evropës, 2 të Kupës Ndërkombëtare dhe 1 të Kupës së Botës për klube. /Gazeta Express/