Cakolli: Shumë kryetarë mund të përcaktohen nga votat jashtë vendit, numri i votuesve shkon mbi 2 milionë

Lajme

Gazeta Express

06/09/2025 20:53

Eugen Cakolli nga KDI, ka thënë se në zgjedhjet lokale të 12 tetorit, shumë prej kryetarëve të komunave dhe politikat lokale do të mund të përcaktohen nga votat e qytetarëve që jetojnë jashtë vendit.

Ai ka thënë edhe se në mesin e 10 komunave me përqindjen më të lartë të votuesve jashtë vendit në raport me numrin e përgjithshëm, asnjë prej tyre s’janë komuna të “mëdha”.

Këtu ai ka përmendur komunat si Juniku (21.95%), Malisheva (10.59%), Mamusha (8.64%), Hani i Elezit (6.67%), Istogu (5.51%), Dragashi (5.34%), Deçani (5.30%), Kaçaniku (4.15%), Shtimja (3.53%) si dhe Kamenica (3.87%).

Nga Cakolli është thënë edhe se në këto komuna por edhe në plot të tjera, numri i votuesve jashtë vendit për këto zgjedhje është më i madh ose i përafërt se diferenca në vota mes dy kandidatëve të parë në zgjedhjet lokale të vitit 2021.

Postimi:

Në zgjedhjet e 12 tetorit, kryetarët e shumë prej komunave dhe politikat tjera lokale do të mund të përcaktohen nga votat e qytetarëve që jetojnë jashtë vendit.

Në mesin e 10 komunave me përqindjen më të lartë të votuesve jashtë vendit në raport me numrin e përgjithshëm, asnjë prej tyre s’janë komuna të “mëdha”. Aty përfshihen: Juniku (21.95%), Malisheva (10.59%), Mamusha (8.64%), Hani i Elezit (6.67%), Istogu (5.51%), Dragashi (5.34%), Deçani (5.30%), Kaçaniku (4.15%), Shtimja (3.53%) si dhe Kamenica (3.87%).

E madje, në pothuajse secilën prej këtyre 10 komunave, por edhe në plot tjera, numri i votuesve jashtë vendit për këto zgjedhje është më i madh (ose i përafërt) se diferenca në vota mes dy kandidatëve të parë në zgjedhjet lokale të vitit 2021.

Prandaj, përveç faktit që numri i votuesve shkon mbi 2 milion – gati 100 mijë më shumë se më 9 shkurt – mjaft ‘interesante’ do të jenë edhe statistikat dhe rezultatet e votimit jashtë vendit.