Burnley i Muricit merr një pikë nga përballja me Wolvesin

Sport

Gazeta Express

02/04/2024 22:46

Burnley ka marrë një pikë nga përballja e sontme, duke iu vështirësuar kështu edhe më shumë rruga për mbijetesë.

Skuadra e drejtuar nga Vincent Kompany luajti baras sonte me Wolvesin, në ndeshjen e vlefshme për javën e 31-të në Premierligë, shkruan Gazeta Express.

Takimi në stadiumin “Turf Moor” përfundoi me rezultatin 1:1.

Jacob Bruun Larsen (37’) shënoi fillimisht për epërsinë e Burnleyt, teksa golin e barazimit për “Ujqit” e realizoi Rayan Ait-Nouri (45+3’).

Vlen të theksohet Arijanet Muric edhe sonte ishte në portën e vendasve, duke regjistruar kështu paraqitjen e tij të tretë rresht në elitën e futbollit anglez.

Burnley pas këtij barazimi ka 19 pikë dhe ndodhet në pozitën e parafundit (19).

Wolvesi është i dhjeti me 42 pikë. /Gazeta Express/