Britania shënon numrin më të lartë të të prekurve me Covid-19 në 24 orë - Gazeta Express

Britania shënon numrin më të lartë të të prekurve me Covid-19 në 24 orë

Lajme

Gazeta Express

19/09/2020 23:50

Britania e Madhe raportoi sot 4,422 raste të reja nga koronavirus, shifra më e lartë ditore që prej datës 8 maj.

Sipas mediave të huaja, numri i përgjithshëm i të prekurve nga sëmundja e COVID-19 u rrit në 390 mijë.

Raportohet se rreth 41 mijë persona të kenë ndërruar jetë deri më tani në vend.

Vetëm gjatë ditës së djeshme, kryeministri britanik, Boris Johnson, deklaroi se Britania e Madhe do të përballet me valën e dytë të pashmangshme të COVID-19.

“Ne po shohim një valë të dytë, e cila kam frikë se do të jetë e pashmangshme”, u shpreh Johnson të premten.

Ai mes tjerash shtoi se qeveria ka gjasa të implementojë masa të reja kufizuese për ta parandaluar përhapjen.