Britania e Madhe: Mbështetje e palëkundur për SPAK në luftën kundër korrupsionit

Shqiperi

Gazeta Express

14/04/2025 20:01

Mbretëria e Bashkuar shpreh sërish mbështetjen për Prokurorinë e Posaçme (SPAK), duke theksuar rëndësinë e komunikimit efektiv me publikun në luftën kundër krimit të organizuar dhe korrupsionit në Shqipëri.

Në një deklaratë zyrtare, Ambasada britanike në Tiranë nënvizon se, përmes Shërbimit Ndërkombëtar të Komunikimeve të Qeverisë britanike, po ndihmon SPAK-un të forcojë strategjinë e tij të komunikimit për tre vitet e ardhshme.

“Kjo strategji përfaqëson një hap të rëndësishëm në mënyrën se si SPAK do të ndajë përparësitë e tij me median, qytetarët dhe institucionet e tjera,” thuhet në deklaratë.