Britania e Madhe dhe India arrijnë marrëveshje tregtare pas tre vitesh bisedimesh

Lajme

Gazeta Express

06/05/2025 18:27

Mbretëria e Bashkuar dhe India kanë rënë dakord për një marrëveshje tregtare që do ta bëjë më të lehtë për firmat britanike të eksportojnë uiski, makina dhe produkte të tjera në Indi, dhe do të ulë taksat mbi eksportet e veshjeve dhe këpucëve të Indisë, ka raportuar BBC, transmeton Gazeta Express.

Qeveria e Mbretërisë së Bashkuar tha se marrëveshja “pikë referimi”, e cila u deshën tre vjet për t’u arritur, nuk përfshinte asnjë ndryshim në politikën e imigracionit, duke përfshirë edhe ndaj studentëve indianë që studiojnë në Mbretërinë e Bashkuar.

Kryeministri Sir Keir Starmer tha se marrëveshja do të nxisë rritjen dhe do të “sjell rezultate për njerëzit dhe bizneset britanike”.

Vitin e kaluar, tregtia midis Mbretërisë së Bashkuar dhe Indisë arriti në 42.6 miliardë paund dhe parashikohej të rritej, por qeveria tha se marrëveshja do ta rriste atë tregti me 25.5 miliardë paund shtesë në vit deri në vitin 2040.