Bora mbulon Prishtinën – Marina Vjollca ndan çaste të ëmbla me të bijën

Yjet

Gazeta Express

03/10/2025 18:27

Moderatorja e njohur Marina Vjollca ka ndarë me ndjekësit e saj momente të veçanta nga qëndrimi në Prishtinë, ku këto ditë kryeqyteti është mbuluar nga dëbora e parë e dimrit.

Përmes disa postimeve në rrjetet sociale, Marina është shfaqur e qeshur, e emocionuar dhe plot gjallëri, teksa shijonte atmosferën dimërore bashkë me vajzën e saj të vogël.

Momente të thjeshta, por të mbushura me dashuri dhe ngrohtësi familjare, që kanë tërhequr vëmendjen e fansave.

Në videot dhe fotot e publikuara, moderatorja ka zgjedhur të vendosë në sfond njërën prej këngëve të bashkëshortit të saj, reperit Getoar Selimi, një këngë e dedikuar Prishtinës, duke krijuar kështu një lidhje të bukur mes muzikës, qytetit dhe kujtimeve familjare.

Atmosfera e bardhë e qytetit, buzëqeshja e Marinës dhe momentet me vajzën e saj kanë bërë që postimet të marrin shumë pëlqime dhe komente pozitive nga ndjekësit. Shumë prej tyre e kanë komplimentuar për thjeshtësinë dhe për mënyrën si e ndan jetën e përditshme me publikun, pa humbur kurrë elegancën dhe stilin që e karakterizon.

View this post on Instagram

A post shared by MARINA VJOLLCA (@marina_vjollca)

Kështu, bora e parë e këtij dimri duket se e ka gjetur Marinën më të lumtur se kurrë, duke e shijuar maksimalisht në shoqërinë më të dashur – atë të vajzës së saj. /GazetaExpress/