BMW nuk e lëshon fronin, më i shituri në SHBA dhe botë - Gazeta Express

AutoTech

Gazeta Express

10/01/2022 22:35

BMW nuk e lëshon fronin, më i shituri në SHBA dhe botë

AutoTech

Gazeta Express

10/01/2022 22:35

BMW gjatë vitit të kaluar fitoi epitetin si prodhuesi më i madh i veturave premium në mbarë botën.

BMW dhe Mercedes prej dekadash janë në betejë të ashpër për fron, transmeton Telegrafi.

Lexo Edhe:

Kjo gjë ka rëndësi të madhe nëse “pushtojnë” tregun amerikan, e vitin e kaluar epitetin e prodhuesit premium më të shitur i takoi gjigantit bavarez.

Bavarezët në vitin 2021 arritën të shpërndajnë 336.644 vetura në këtë vend, që është 21 për qind më shumë krahasuar me vitin 2020.

Duke marrë parasysh që në Shtetet e Bashkuara, Tesla udhëheq në mesin e prodhuesve premium, kjo kompani është renditur e dyta me 313.400 vetura të shitura në tregun amerikan.

Vendin e tretë e morri kompania japoneze Lexus, që blerëve në SHBA gjatë vitit të kaluar, ua shpërndau 304.475 vetura, e në të katërtin ishte Mercedes që shiti 276.102 vetura. Audi zuri vendin e pestë me 196.038.

BMW me titullin e prodhuesit më të popullarizuar premium u “nominua” në nivel global. Bavarezët gjatë vitit të kaluar, në mbarë botën shitën 2.2 milionë vetura.

Në nivel global, Mercedes shiti 2,05 milionë vetura – një rëni prej 5 për qind krahasuar me një vit më parë.