BMW nis dizajnimin e veturave përmes Inteligjencës Artificiale

AutoTech

Gazeta Express

31/05/2023 23:37

Inteligjenca Artificiale po zë vend të shpejtë në një numër fushash të jetës.

Këtij trendi nuk po mund t’i shpëtoj as sektori i automobilizmit.

Madje raportohet se gjiganti bavarez BMW po përpiqet që duke shfrytëzuar Inteligjencën Artificiale të përgatis dizajnet e reja të automjeteve.

Shefi i dizajnit të firmës, Adrian van Hooydonk, tha kohët e fundit në një intervistë se IA është përdorur tashmë në detyra të ndryshme të projektimit.

“Ne po eksperimentojmë me të në dizajn, për shembull në dizajnin e rrotave”, ka thënë Hooydonk për TopGear.

“Mund të vendosni disa parametra – si për shembull, dëshironi një rrotë me pesë cepa, duhet të peshojë vetëm kaq, duhet të jetë 20 inç dhe më pas kompjuteri fillon të gjenerojë ide për ju”

A mund të mbështeteni në AI për dizajne të plota të makinave?

Jo, pasi teknologjia përdor imazhe dhe skica që janë të disponueshme në internet dhe i kombinon ato në mënyra të ndryshme për të gjeneruar dizajne të reja.

Ndërsa kjo tingëllon si shumë argëtuese për ne, Hooydonk thjesht thotë se rezultati duket si diçka që e keni parë tashmë. /Shqip.com