Bislimi përmend një dokument me të cilin Edita Tahiri ishte “futur në kurth” në Bruksel

Lajme

Gazeta Express

05/08/2022 22:14

Zëvendëskryeministri i Kosovës, Besnik Bislimi, ka thënë se ish-kryenegociatorja Edita Tahiri “ka rënë në kurth” kur ka nënshkruar një dokument për energjinë në Bruksel.

Sipas Bislimit, Tahiri ra në kurth kur nënshkroi dokument ku thuhej se cdo pasuri në Kosovë i takon Serbisë.

“Në një dokument për energjinë, në faqen e dytë shkruan se cdo pasuri në Kosovë është pronë e Serbisë. Në formë të disclaimer. Nuk ka nënshkrim. Por as marrëveshja për energjinë në veri nuk ka nënshkrim pasi është dakordim”, tha ai.

“BE tash thotë se ju keni vendosur në një dokument dy rreshta ku nuk pajtoheni për një temë. Mu pse Brukseli u referohet të dyjave, thotë se çështja e pronës duhet të flitet në Bruksel”, shtoi Bislimi.