Bisedimet për paqe midis Libanit dhe Izraelit do të fillojnë në Uashington javën e ardhshme, takimi i parë do mbahet në DASH!

Lajme

Gazeta Express

09/04/2026 20:26

Bisedimet e drejtpërdrejta midis Izraelit dhe Libanit do të fillojnë javën e ardhshme në Uashington, me qëllim forcimin e një armëpushimi të përkohshëm në luftën me Iranin, sipas një burimi të cituar nga ‘Associated Press’.

Në të njëjtën kohë, një gazetar nga faqja e internetit e lajmeve ‘Axios’, duke postuar në platformën X, raportoi se ky takim i parë midis izraelitëve dhe libanezëve do të zhvillohet në Departamentin e Shtetit.

Vërehet se Libani ka kërkuar një armëpushim përpara se të fillojnë bisedimet, siç raportohet nga Agjencia Franceze e Lajmeve.

Ndërkohë, një zyrtar libanez i cili foli në mënyrë anonime për ‘Reuters’ tha se bisedimet do të jenë të ndryshme, por “në të njëjtin model” me ato që po zhvillohen midis Shteteve të Bashkuara dhe Iranit, të ndërmjetësuara nga Pakistani, ka transmetuar Panorama.

Sipas tij, vendi dhe koha nuk janë përcaktuar ende, por Bejruti ka nevojë për Shtetet e Bashkuara si ndërmjetës dhe garantues të çdo marrëveshjeje.