Bisedimet Iran-Evropë, Kallas thotë se ‘‘palët ranë dakord të diskutojnë çështjet bërthamore’’

Lajme

Gazeta Express

20/06/2025 19:58

Përshkallëzimi rajonal “nuk i sjell dobi askujt” dhe kjo është arsyeja pse “duhet t’i mbajmë diskutimet të hapura”, u shpreh nënkryetari i Komisionit Evropian, pas takimit në Gjenevë, ku nisën negociatat mes zyrtarëve perëndimorë dhe atyre iranianë.

“Ne ishim të qartë, Irani nuk mund të ketë armë bërthamore“, theksoi Sekretari i Jashtëm i Mbretërisë së Bashkuar, David Lammy, që shtoi se ai dhe kolegët e tij ministra të jashtëm evropianë janë “të prirur” të vazhdojnë “diskutimet e vazhdueshme” mbi negociatat me Iranin.

“Ne i bëjmë thirrje Iranit të vazhdojë bisedimet me Shtetet e Bashkuara“, tha Lammy, duke thënë se “ky është një moment i rrezikshëm” dhe është “jashtëzakonisht e rëndësishme” që të mos shohim një përshkallëzim rajonal të konfliktit midis Iranit dhe Izraelit.

Kaja Kallas shtoi se të dyja palët ranë dakord të diskutojnë çështje bërthamore dhe “çështje më të gjera”.