Besnik Osmani: Do të ndërtojmë Qendrën Inovative në Vragoli për të rinjtë e Fushë Kosovës

Lajme

Gazeta Express

27/09/2025 22:56

Kandidati i LDK-së për kryetar të Fushë Kosovës, Besnik Osmani, sonte vizitoi “Brutal Gaming” në lagjen Dardania, ku u takua me të rinj dhe theksoi rëndësinë e hapësirave të reja për zhvillim.

“Përtej lojës dhe argëtimit, është edhe një mundësi për zhvillimin e aftësive konkuruese. Ne do të ndërtojmë Qendrën Inovative në Vragoli – hapësirë ku të rinjtë do të kenë mundësi të zhvillojnë ide kreative, projekte të reja dhe të shndërrojnë pasionin në sukses të prekshëm”, deklaroi Osmani.

Ai tha se prioritetet e tij janë të orientuara drejt të rinjve dhe perspektivës së tyre, duke shtuar se Fushë Kosova duhet të shkojë “PËRTEJ”.