Berisha u drejtohet votuesve: Të gjithë ata që erdhën nga deti, toka, ajri – firmosën sot ndryshimin

Lajme

Gazeta Express

11/05/2025 19:44

Kandidati për kryeministër nga radhët e PD-së, Sali Berisha ka përshëndetur përzemërsisht të gjithë qytetarët që dolën sot dhe votuan për të ardhmen politike të Shqipërisë.

Ai, para mediave tha se sot, ata që erdhën nga deti, toka dhe ajri firmosën ndryshimin.

“Kam një përshëndetje të përzemërt për të gjithë qytetarët për pjesëmarrjen e tyre në këtë proces zgjedhor, dhe për të gjithë ata që erdhën nga deti, toka, ajri, që firmosën sot ndryshimin”, tha Berisha.

Berisha dha lavde dhe për komisionerët e këtij procesi zgjedhor.

Sakaq, rezultatet e Exit Poll-it të Klan Kosova dhe Albanian Post për zgjedhjet në Shqipëri u prezantuan në Rubikon në Klan Kosova.

Sipas këtyre rezultateve, PS ka marrë 51.8%, ndërsa Partia Demokratike e Sali Berishës 38%.