Visar Berisha, këshilltar i kryeministrit të Kosovës, Avdullah Hoti, ka thënë se moskuptimi i dialogut për përmbylljen e pavarësisë është infantilitet politik.
“Kthimi në NORMALITET i pozicionit ndërkombëtar të Kosovës me veprimet e guximshme të Kryeministrit Hoti përballë vet bllokadës që i ishte shkaktuar Kosovës, ka sjell në tryezën e bisedimeve qëndrimet e drejta nga një pozicion i barabarësisë; Dialog për draftimin e Marrëveshjes gjithëpërfshirëse me njohje reciproke”, ka shkruar ai në Facebook.
“Kosova e ka obligim që të mos fshehët pas qëndrimeve populiste për konsum të brendshëm dhe të kërcënoj dialogun dhe fascilituesit e garantuesit e tij. Por të përfaqësoj siç është duke ba qëndrimet shtetnore para miqve ndërkombëtarë”, ka thënë Berisha.
Shkrimi i plotë i Berishës:
Moskuptimi i Dialogut për përmbylljen e Pavarësisë është infantilitet politik!
Modeli paternalist, i zgjidhjeve afektive, bajraktariste asht modeli i cili nuk i ka dhanë Kosovës asnjë milimetër përparësi në avancimin e projektit te saj për rrumbullakimin e pavarësisë.
Përkundrazi, e ka izoluar dhe ia ka vyshkur kreativitetin duke e ulur në bankën e të akuzuarës para miqve të vendit tonë.
Sepse nuk mund të kesh qëndrim të fortë e refuzues pa pasur pozicion të fortë e rezistues.
Kthimi në NORMALITET i pozicionit ndërkombëtar të Kosovës me veprimet e guximshme të Kryeministrit Hoti përballë vet bllokadës që i ishte shkaktuar Kosovës, ka sjell në tryezën e bisedimeve qëndrimet e drejta nga një pozicion i barabarësisë; Dialog për draftimin e Marrëveshjes gjithëpërfshirëse me njohje reciproke.
Kosova e ka obligim që të mos fshehët pas qëndrimeve populiste për konsum të brendshëm dhe të kërcënoj dialogun dhe fascilituesit e garantuesit e tij. Por të përfaqësoj siç është duke ba qëndrimet shtetnore para miqve ndërkombëtarë.
Kurrkush nuk do të mund ta ktheje Kosovën me në geto e larg miqve të saj. Histerizmat politike mund të konsumohen vetëm brenda tarafeve përkatës, jo me tutje. Kosova ka punë për të ba, nuk ka kohë.
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...